Okazyon lansman Òganizasyon an 27 avril 2018

Nou tout ki la a, nou se fanmi pou yon kòz nan yon kòz ,e se koz sa a menm ki esplike, ki jistifye lansman Fondasyon je klere jodia.

Fondasyon Je klere(FJKL) se yon nouvo zouti, ekip ki la a ak tout alye l yo mete sou pye pou nou pouse kòz Dwa Moun nan pi lwen toujou malgre kriz sosyal ak kriz politik ki vinn pi ekzajere nan peyi a.

Nou fè anpil eksperyans ki pèmèt nou tire anpil leson, nou ka di pou chak grenn nan nou ki nan ekip la, kriz yo, move eksperyans nou fè, desepsyon nou pran, nou jwenn nan soufrans pep Ayisyen an;